യഥാർത്ഥ പ്രണയം ആരുടെ ആയിരുന്നു ?

              അവളെ വിറ്റു അവൻ നേടിയ ആഡംബര ജീവിതം....തന്നിലേക്ക് വന്ന പലരിലും അവൾ കണ്ടത് അവനെ മാത്രമായിരുന്നു...   കൊഴിഞ്ഞു വീണത്‌ അവനു വേണ്ടി ത്യജിച്ച ശരീരം മാത്രം... ആ മനസ് ഇന്നും  ദാഹിക്കുന്നത് അവനിലെ ഒരിറ്റു സ്നേഹത്തിനു  വേണ്ടി മാത്രം.. ചതിക്കപ്പെട്ടു എന്നറിഞ്ഞിട്ടും കാത്തിരിക്കുന്നു....  

അമ്പല നടയിൽ വെച്ച് താലി ചാർത്തി കൂടെ നടത്തിയ ഒരു പെൺകൊടി... അവൾക്ക് ഇന്ന് തന്നിലെ പ്രണയത്തിന്റെ ചൂട് പകരുമ്പോൾ.....  നെഞ്ചോടു ചേർക്കുമ്പോൾ..........         ആ നെഞ്ചിൽ തല ചായിച്ചു അവൾ മറ്റൊരാളെ സ്വപ്നം കാണുന്നതറിയാതെ  ...

 അവൻ  അവളെ ചേർത്ത് പിടിച്ചു, മയങ്ങി വരുന്ന അവളുടെ കണ്ണുകളിൽ തന്റെ നെഞ്ചിലെ ചൂടിന്റെ സുഖം എന്നോർത്ത് അവനും അറിയാതെ മയങ്ങി പോയി.

കിളിക്കൂട്‌

പറന്നെത്തുന്ന വിരുന്നുകാരൻ...  ദൂരങ്ങള്‍ താണ്ടി പറന്നെത്തുന്ന  ദേശാടനപ്പക്ഷി.  മലകളും സമുദ്രങ്ങളുമെല്ലാം കടന്ന് എല്ലാവര്‍ഷവും കൃത്യമായി ഒരിടത്തുതന്നെ എങ്ങനെ ഈ പക്ഷികള്‍ .. എത്താൻ കഴിയുന്ന ഒരു സാഹചര്യം.. പറന്നകന്നു പോകുമ്പോൾ,  എന്ന് തിരിച്ചെത്തിയാലും സ്വീകരിക്കാൻ ഒരു കൂട്..... മഴയിലും വെയിലിലും അടർന്നു വീഴാതെ തന്നെ സ്വീകരിക്കുവാൻ, തനിക്ക് എന്നും അഭയം നല്കുന്ന ഒരു ചെറിയ കിളിക്കൂട്...  ആ വിശ്വാസത്തിൽ ഇടക്ക് പറന്നെത്തി.. പിന്നീടു പറന്നകലുമ്പോൾ കാത്തിരിക്കുകയാണ്‌......... ആ പാവം കിളിക്കൂട്‌.. ഇനിയും എന്നെ തേടി ആ ദേശാടന പക്ഷി വരുമെന്നോർത്തു... 

                                     

                       ഒരിക്കൽ ജീർണിച്ച അവസ്ഥയിൽ നിലം പതച്ചു കിടക്കുമ്പോഴും.. തന്നിലെ ചുള്ളി കമ്പുകൾ മണ്ണോടു ചേരുമ്പോഴും മനസുകൊണ്ട് ആഗ്രഹികുന്നുണ്ടാവും ആ ദേശാടന പക്ഷിയെ ഒന്ന് കൂടി കാണാൻ... തന്നെ തേടി ഇനിയും എത്തുമെന്ന പ്രതീക്ഷ.. നാളെ തേടി എത്തുമ്പോൾ തളർന്ന് പോകും ആ പാവം പക്ഷി.. അത് കൊണ്ട് മാത്രം കാത്തിരിക്കുന്നു. മണ്ണോടു അലിഞ്ഞു തീരും വരെ